Студиската програма за ПРОДУКЦИЈА е конципирана врз стручно, занаетско и уметничко образование на профилот: ДИПЛОМИРАН ПРОДУЦЕНТ. Наставата на студиската програма за продукција овозможува образование на менаџери од различни нивоа на институции и проекти од областа на театарот, филмот, телевизијата и радиото како уметнички дејности и медиуми.

Основна цел на наставата на студиската програма за Продукција е обезбедување на сеопфатни познавања на релевантните аспекти на менаџментот во областа на театарот, филмот, телевизијата и радиото. Наставните целини се конципирани на начин кој овозможува примена на познавањата во секој од наведените медиуми на нивоа на проектен менаџмент, како и менаџмент на институциите чија дејност е поврзана со медиумите.

Акцентирани се темите кои се однесуваат на менаџмент и продукција. Но истовремено наставата овозможува стекнување на детални познавања од останатите уметнички дисциплини од областа на наведените уметнички дејности, како и општо-образовни предмети, релевантни за профилот продуцент.